Pétursbikarinn

 

Árleg lendingarkeppni Flugklúbbs Selfoss, Pétursbikarinn, er haldin á Selfossflugvelli seinni part sumars ár hvert. Keppnin er haldin til minningar um Pétur Sigvaldason sem var gestur á stofnfundi flugklúbbsins þann 16. maí 1974, en hann var þá ritari Vélflugfélags Íslands, VFFÍ. Á heimasíðu Flugklúbbs Selfoss, undir "Sagan", má sjá mynd frá stofnfundinum og er Pétur þar annar frá hægri. Á fundinum gaf Pétur 5.000 krónur til flugvallargerðar á Selfossi og var það fyrsta fjárframlagið til Selfossflugvallar.

Pétur fórst í flugslysi tæpum þremur vikum síðar, í Svínadal í Dölum, 2. júní 1974.  

 

Gunnar Þorvaldsson félagi í Flugklúbbi Selfoss og kona hans gáfu Pétursbikarinn til minningar um Pétur Sigvaldason árið 1985.

 

Lendingarkeppni felst í því að flugmenn keppa í lendingum á flugvélum sínum. Hver flugmaður tekur 4 lendingar:

1. Floginn umferðarhringur, venjuleg lending, allt leyfilegt.
2. Floginn umferðarhringur, dregið af mótor í 1000 feta hæð þvert af áætluðum lendingarstað, ekki leyfilegt að nota mótor eftir það.
3. Floginn umferðarhringur, dregið af mótor í 1000 feta hæð þvert af áætluðum lendingarstað, ekki leyfilegt að nota mótor né flapa eftir það.
4. Floginn umferðarhringur, hefðbundin lending yfir 2 metra hindrun sem er 50 metra frá núll punkti, aðflugsferill skal vera eðlilegur.

Flugmenn fá síðan refsistig skv. alþjóðlegum reglum um lendingakeppni og því færri sem þeir lenda nær réttum lendingarstað. Sá sigrar sem fær fæst refsistig.

 

Flugmenn vita að í flugtaki reynir mest á flugvélina en í lendingunni reynir mest á flugmanninn. Lendingarkeppni er því hæfniskeppni flugmanna þó auðvitað skipti líka máli að hafa heppnina með sér. Flugmenn taka þátt í lendingarkeppni sér og öðrum til skemmtunar og til að þjálfa sig í öguðum vinnubrögðum.

 

Pétursbikarinn hefur verið haldinn á Selfossflugvelli frá árinu 1985.

 

Sigurvegarar í  Pétursbikarnum frá upphafi:

1985    Ragnar J. Ragnarsson

1986    Ragnar J. Ragnarsson

1987    Jóhannes Örn Jóhannesson

1988    Orri Eiríksson

1989    Orri Eiríksson

1990    Ágúst Ögmundsson

1991    Sigurður Karlsson                               Flugklúbbi Selfoss

1992    Guðmundur Jónsson                          Flugklúbbi Selfoss

1993    Hörður Guðlaugsson

1994    Haukur Snorrason

1995    Guðmundur Ásgeirsson

1996    Ekki haldið

1997    Ingólfur Jónsson

1998    Þorsteinn Kristinsson

1999    Maggnús Víkingur Grímsson

2000    Sigurður Karlsson        TF-HAL     87 refsistig    Flugklúbbi Selfoss

2001    Þorsteinn Magnússon   TF-EOS   55 refsistig     Flugklúbbi Selfoss

2002    Þorsteinn Magnússon    TF-EOS    77 refsisitg   Flugklúbbi Selfoss

2003    Björn Ásbjörnsson

2004    Þorsteinn Magnússon     TF-EOS                       Flugklúbbi Selfoss

2005    Sigurður Georgssson

2006    Snorri B Jónsson                                              Flugklúbbi Mosfellsbæjar

2007    Þorsteinn Magnússon    TF-EOS   78 refsistig     Flugklúbbi Selfoss

2008    Hjörtur Þór Hauksson     TF-FIM   149 refsistig    Flugklúbbi Selfoss
2009    Snorri B Jónsson           TF-REX   59 refsistig      Flugklúbbi Mosfellsbæjar
2010    Jón Karl Snorrason        TF-ULF    74 refsistig     Flugklúbbi Mosfellsbæjar
2011    Þorsteinn Magnússon     TF-169    66 refsistig    Flugklúbbi Selfoss