Selfossflugvöllur er einkaflugvöllur í eigu Flugklúbbs Selfoss og er opinn allan sólarhringinn fyrir almenna flugumferð í samræmi við reglur sem þar um gilda. Völlurinn var byggður upp af félögum flugklúbbsins og er rekinn af Flugklúbbi Selfoss en Flugmálastjórn Íslands og síðar Flugstoðir ohf hafa lagt fé í uppbyggingu, viðhald og rekstur hans. Flugstöð við völlinn er í eigu Flugklúbbs Selfoss og Flugstoða ohf.  Flugskýli á flugvallarsvæðinu eru 5 og hýsa núna 13 flugvélar sem eru í eigu félaga í Flugklúbbi Selfoss (október 2007). Flugvöllurinn er vinsæll viðkomustaður einkaflugmanna og er einnig mikið notaður í tengslum við leiguflug, sérstaklega til Vestmannaeyja.

Flugmenn eru beðnir um að virða þær reglur sem gilda um notkun flugvallarins og er sérstaklega bent á reglur um snertilendingar sem eru settar til að lágmarka hljóðmengun vegna flugumferðar. 
Reglur um flugumferð er að finna hér neðar.

 

Flugbrautir:
Braut	Mál(m)		Yfirborð	Ljós
05/23	798x30		Möl	Nei
15/33	794x30		Möl	Nei

 

Brautarljós    - ATH    Óvirk sem stendur  ATH-

Brautarljós eru á braut 05/23
Til að kveikja á brautarljósum á braut 05/23 úr flugvél á flugi;  stilla á tíðni 122,8 Mhz
og lykla 3svar sinnum (minnsti styrkur);   5 sinnum (mið styrkur) eða 7 sinnum (mesti styrkur)
Ljósin slökkna sjálfkrafa eftir 18 mínútur

Tölulegar upplýsingar

 

Staðsetning: 63° 55' 45''N
021° 02' 16''W (63.92916667,-21.03777778)
Hæð: 45 fet ys
Tíðni: 118.1 Mhz      
NDB stefnuviti: SE397
Sími: 482-1405 

 

Eldsneyti

Avgas 100LL
Þjónusta: Stefán Jóhannsson, sími 482 1272 - 863 8274

 

Veðurupplýsingar: Sjálfvirk veðurstöð er á flugvellinum. Hægt er að sjá þær upplýsingar undir valmyndinni "Veður".

---

 

Reglur Sveitarfélagsins Árborgar um takmarkanir við flugumferð um Selfossflugvöll

 

1. gr.

Næturtakmarkanir: Á milli 23:00 og 07:00 eru flugtök bönnuð. Heimilt er að víkja frá þessu í neyðartilvikum og skal það skráð sérstaklega.

 

2. gr.

Takmarkanir á snertilendingum: Snertilendingar eru einungis leyfðar virka daga frá 07:00 til 18:00.

 

3. gr.

Reglur þessar eru settar skv. 9. gr. reglugerðar um hávaða nr. 933/1999, sbr. 5. gr. reglugerðar nr. 478/2003 og öðlast gildi þegar í stað.

 

Samþykkt í bæjarráði Árborgar 15. nóvember 2007.

Ragnheiður Hergeirsdóttir, bæjarstjóri.

 

---

 

 

 Flugkort - AIP upplýsingar: 

 

Rekstraraðili:

Flugklúbbur Selfoss, formaður Helgi Sigurðsson, sími: 482 3484 -  896 3406
Umsjónarmaður flugvallar: Stefán Jóhannsson, sími: 482 1272  - 863 8274

 

Leigubílar á Selfossi:

Bifreiðastöð Selfoss, sími: 482 3800

Leigubílar Selfossi, sími: 482 3200

 

Myndir