Múlakot að baki

Flughátíðin í Múlakoti er að baki þetta árið.  Flugkoman er árleg samkoma sem Félag íslenskra einkaflugmanna stendur fyrir. Hátíðin var vel sótt í ár þrátt fyrir slæmt flugveður frá Reykjavík á laugardeginum. Fimmtán þátttakendur kepptu í spennandi lendingakeppni TM á sunnudeginum og þar bar Erling Jóhannsson sigur úr býtum á vél sinni, TF-FFC, sem er Beechcraft Skipper árgerð 1979.  Mikill fjöldi flugáhugafólks kom saman, ýmist í tjöldum, tjaldvögnum, húsbílum, hjólhýsum, fellihýsum nú eða sumarbústaðnum.    Á laugardeginum var hveitipokakast fyrir börnin, þar sem markmiðið var að hitta í mark úr flugvél, ásamt pokahlaupi sem reyndist geysi spennandi hjá yngri kynslóðinni.   Ljóst er að hátíðin er að festa sig í sessi, enda öll aðstaða hin besta.
Þó nokur hópur fólks kom frá Flugklúbbi Selfoss, og er mikil tilhlökkun nú þegar fyrir næsta ári. Fullt af myndum eru komnar í albúmið.