Aðalfundur Flugklúbbs Selfoss 2010 verður haldinn í húsakynnum SET hf. á Selfossi laugardaginn 10. apríl n.k. kl. 11:00. Að fundinum loknum verður boðið upp á hádegisverð og síðan förum við í hópferð til félaga okkar í Forsæti, Alberts og Ólafs. Þar skoðum við  listasafn, flugskýli og gamlar og nýjar flugvélar þeirra bræðra.  Takið daginn frá, nánari upplýsingar þegar nær dregur,  

Stjórnin.    

Keilir býður uppá nám í flugi fyrir Sunnlendinga þannig að þeir geti tekið það að öllu leyti frá Selfossi.

Námið er skipulagt þannig að nemendur taka bóklega hlutann í gegnum fjarnám heima hjá sér en Keilir mun koma með sínar glænýju hátæknivélar á Selfoss fyrir verklegu kennsluna ef næg þátttaka fæst. Flugvélakostur Keilis er glænýr og búinn fullkomnustu tækni sem þekkist í slíkum vélum. Þær verða til sýnis á Selfossflugvelli fimmtudaginn 4. mars kl. 10:30 - 13:00.
Ef veður leyfir. Áhugasamir geta farið í kynningarflug. 

Heimsóknin er í tilefni af skólakynningu sem fram fer í Fjölbrautaskóla Suðurlands en þar verða fulltrúar Keilis sem munu kynna allar námsbrautir Keilis.

Nánari upplýsingar veitir Guðmundur Sigurðsson
Netfang: gudmundur@keilir.net
Sími: 578 4000

Ein af kennsluvélum Keilis, TF-KFC