Eins og venjulega stefnum við á að hittast á flugvellinum á Gamlársdag uppúr hádeginu.
Heitt á könnunni og kannske eitthvað meira. Hópflug ef veður leyfir.
Sjáumst á Selfossflugvelli á gamlársdag og rifjum upp flugárið sem senn rennur sitt skeið og fögnum komandi ári.

Stjórnin


Það komu margir góðir gestir á gamlársdag 2008, sumir fljúgandi en aðrir akandi.


Hluti þeirra flugvéla sem kom í heimsókn á Selfossflugvöll á
gamlársdag 2008.  Vakti það talsverða athygli meðal
bæjarbúa þegar tæplega 20 flugvélar
komu í hópflug yfir Selfoss.

Af mbl.is:
Vefmyndavél, sem sýnir beint frá eldfjallinu Heklu, var tekin í notkun í dag. Myndavélin er á Búrfelli, sem er 12 km norð-vestan við Heklu.  Verkefnið er hluti af vöktun Heklu en gert er ráð fyrir að með myndavélinni megi sjá fyrir hugsalega leið hraunrennslis, gosmökks og annað sem geti skipt máli komi til eldgoss. Það er öryggismálanefnd Ríkisútvarpsins, sem stendur fyrir  uppsetningu vefmyndavélarinnar í samstarfi við almannavarnadeild ríkislögreglustjóra, Fjaska, Gagnaveitu Reykjavíkur og Mílu. 

Fram kemur á heimasíðu ríkislögreglustjóra, að í síðustu gosum hafi aukin skjálftavirkni verið helsti forboði Heklugosa. Vísindamenn vakti Heklu og sáust forboðar Heklugosanna árin 1991 og 2000 á mælitækjum um 30 - 80 mínútum fyrir gosbyrjun.

Tengill er kominn inná vefmyndavéla síðuna og er ljóst að hér er um góða viðbót að ræða í vefmyndavéla flórunni.    Einnig er hægt að smella hér.