Hinn landsþekkti flugvélaljósmyndari, Baldur Sveinsson, er hvergi nærri af baki dottinn og gefur út sína þriðju bók um flugvélar á Íslandi. Bókin inniheldur alls 160 myndir sem allar eru teknar árið 2009. Bókin sýnir flugvélarnar í stórbrotinni náttúru landsins og ættu allir sannir flugáhugamenn að ná sér í eintak, nú eða að minnsta kosti setja hana í efsta sæti jólagjafa listans því það hefur aldrei verið auðveldara að finna jólagjöf handa flugáhugafólki.

d
Forsíða bókarinnar, Flugvélar 2009 eftir Baldur Sveinsson

Eftir hlýtt en rakt haust, er ljóst að veturinn verður ekki flúinn. Farið er að kólna þó ekki sé komin snjór í byggð.  Það sem gerist einnig um þessar mundir, er að í nátturinni okkar leynast lítil dýr sem sækja eins og aðrir í hlýju og mat.  Við erum að tala um músagang.   Fróðir menn segja að núna geti verið í uppsiglingu mikill músa vetur þar sem síðasti vetur var mildur og sumarið gott.  Þetta er mikið áhyggjuefni fyrir flugvélaeigendur og er full ástæða til að benda þeim á að gera ráðstafanir.   Hægt er að fá mikið úrval af gildrum og eitri, td í byggingavöruverslunum og hjá meindýraeyðum.  Einn þessara staða er á Selfossi og heitir Meindýravarnir Suðurlands. Á heimasíðunni þeirra er einnig að finna mikinn fróðleik um þessi dýr.   Ekki þarf að fara mörgum orðum um þann skaða sem ein mús getur valdið í flugvélinni okkar ef hún fær að valsa þar um óáreitt.  Rafmagnskaplar, sæti, áklæði og ýmis tækjabúnaður er í stórhættu.   Er því full ástæða til að gera sérlega góðar fyrirflugs skoðanir með tilliti til svona dýra.  Eitt merkið sem auðveldast er að finna um að mýs hafi verið á svæðinu, er skítur sem þær skilja eftir sig ansi víða. Svört korn í útliti eins og hrísgrjón liggja á víð og dreif.   Einnig er mjög mikilvægt að vera ekki með neitt matarkyns um borð sem skilur eftir sig lykt, td samlokubréf úr síðasta flugi osfrv. 
Ef einhver lumar á góðum húsráðum má sá hinn sami koma því á framfæri á akk@simnet.is