Aðalfundur Flugklúbbs Selfoss var haldinn í kvöld, í húsakynnum SET hf á Selfossi.  Dagskrá var skv félagslögum og fór Helgi Sigurðsson formaður yfir liðið starfsár og það sem framundan er. 
Þrátt fyrir þrengingar í þjóðfélaginu er bjart framundan hjá klúbbnum og næg verkefni í vændum við uppbyggingu vallarins. Helgi var endurkjörinn sem formaður til næstu 3 ára. Aðrar breytingar á stjórn voru þær að Guðmundur Böðvarsson baðst lausnar frá stjórnarsetu. Í hans stað kemur Þórir Tryggvason inní stjórn. Á aðalfundinum var einn félagi okkar heiðraður sérstaklega, en það var Jón Guðbrandsson, en hann fagnaði 80 ára afmæli sínu í gær.  Myndir frá fundinum eru komnar í myndaalbúmið.  Og einnig skýrsla formanns, en hún er inni á "félagasvæðinu".

Helgi Sigurðsson til vinstri og Jón Guðbrandsson til hægri.

Minnum á aðalfund Flugklúbbs Selfoss, sem haldinn verður fimmtudagskvöldið 19. mars 2009 kl 20 í húsakynnum SET á selfossi.  Sjá dagskrá hér fyrir neðan.

121,5 MHz Neyðarsendar og endalok þeirra. 

Opinberlega verður hætt að hlusta á 121,5 MHz neyðarsendana 01. febrúar 2009, hér á Íslandi verður þó áfram hlustun amk til að byrja með sem virkar í nágrenni Reykjavíkur, inn á Suðurlands undirlendið og upp í Borgarfjörð.  Einnig verður hlusutn í Eyjafirði.  Aðrir staðir á landinu detta út en flugvélar munu áfram hlusta á 121,5 MHz.  

Undanþága verður með einkaflugvélar á Íslandi sem voru skráðar fyrir 01.07.2008 að taka upp 406 MHz til 01.02.2010.   Frétt fengin af www.flugfrettir.is

Aðalfundur flugklúbbsins verður haldinn í húsakynnum Set á Selfossi fimmtudaginn 19. mars n.k. kl. 20.  Dagskrá venjuleg aðalfundarstörf skv. lögum klúbbsins. Takið kvöldið frá og mætum vel.

Stjórnin.

Félagi okkar til fjölda ára, Sigurður Karlsson (TF-HAL) kom færandi hendi á flugvöllinn í gær, eins og svo oft áður.  Sigurður færði klúbbnum forláta fána að gjöf sem kemur til með að koma að góðum notum við ýmsar uppákomur klúbbsins, ss fundi og árshátíðar.  Fáninn verður vígður á næsta aðalfundi klúbbsins sem haldinn verður nú í mars.

Sigurður Karlsson við fánann góða.
Myndin er tekin framan við flugstöðina í blíðunni í gær.